Јагнешко месо го зазема главното место на трпезата за Велигден, а за да биде поразновидна и побогата, пригответе вкусни и креативни јадења. Еве еден рецепт за јагнешко што се топи во уста!
Состојки:
- 1,2 кг јагнешко филе или од гради,
- 3 китки блитва или спанаќ,
- 2 печени пиперки,
- рузмарин,
- суви билни зачини,
- масло,
- бело вино.
Приготвување:
Месото одвојте го од коските, посолете го и посипете го со рузмарин.
По него распоредете ги спанаќот или блитвата.
Преку спанаќот наредете ги филетите од пиперки. Сето тоа завиткајте го во ролна и заврзете го со тенок канап.
Ставете го во плех, прелијте го со масло, вода и со бело вино, па печете го околу 40 минути. Додајте зеленчук по желба, а потоа печете уште еден час. Сервирајте го со компир, тиквички или со моркови.
