Украинскиот претседател Володимир Зеленски изјави дека блокадата на полските демонстранти на граничните премини со Полска отишла до точка што повеќе нема економско или морално оправдување.
„Потребно е конечно да се најде решение за ситуацијата, особено на полската граница, која одамна ги надмина границите и на економијата и на моралот“, рече тој во видеото објавено на неговиот Телеграм канал.
Зеленски рече дека верува оти Полска не треба да ја користи ситуацијата во Украина „во својата внатрешна политичка борба“.
Односите меѓу Киев и Варшава ескалираа по блокадата на полските фармери. Земјоделците бараат укинување на поволностите што ЕУ им ги додели на камионџиите од Украина по 24 февруари 2022 година. Тие протестираат и против недостатокот на ограничувања за увоз на украински земјоделски производи.
Минатиот месец Зеленски предложи двете земји и претставникот на Европската комисија да одржат разговори на границата за да се реши ситуацијата. Полскиот премиер Доналд Туск изјави дека владите на Полска и Украина на крајот на март ќе разговараат за решавање на ситуацијата на границата.
