Македонија во моментов го дели шестото место со Ангола во светот според стапката на невработеност од 20 проценти, покажува рангирањето направено од „Голд брокер“.
Недостижен на врвот е Конго со 46 отсто невработеност, втора е Босна и Херцеговина со 35 отсто, а трето Косово со 30 отсто.
Пред Македонија се само уште Јужна Африка со 27 отсто и Нигерија со 23 отсто.
Веднаш зад Македонија следуваат Грција и Јордан со по 18,6 проценти, Боцвана со 18,1 отсто, Либија со 17,7 отсто, Етиопија со 16,8 отсто, Оман и Руанда со по 16 отсто, Тунис со 15,5 отсто.
