Северна Кореја соопшти во понеделникот дека не е заинтересирана за бесмислени разговори со САД само затоа американскиот претседател Доналд Трамп да има со што да се фали, и повика на ставање крај на непријателските политики доколку Вашингтон навистина сака дијалог.
„Повеќе не сме заинтересирани за такви разговори со кои ништо не добиваме. За возврат ништо не добиваме, повеќе нема американскиот претседател да го даруваме со нешто со што може да се фали“, изјавил поранешниот заменик министер за надворешни работи, Кум Кје Гван.
Неговиот коментар следеше откако американскиот претседател Доналд Трамп во текот на изминатиот викенд на Twitter објави дека исклучиво само тој може на Северна Кореја да ѝ понуди посветла иднина, подеднакво и за нејиниот челник кој земјата ја води со железница тупаница, како и неговиот татко и неговиот дедо.
„Единствениот сум на власт кој може да ви овозможи да ја постигнете својата цел. Морате брзо да дејствувате и да го склучите договорот“, твитуваше Трамп, алудирајќи на уште една средба со севернокорејскиот водач Ким Џонг-ун, со кој досега се сретна трипати.
Ким Кје Гван во споменатата изјава вели дека САД мора да преземат решавачки потег и да се откажат од своите непријателски политики доколку навистина сакаат дијалог, но не појаснува што тоа конкретно би значело.
Од вториот самит на Трамп и Ким во февруари во Виетнам, кој заврши без договор, не е забележан никаков напредок во преговорите меѓу двете земји за денуклеаризација на Корејскиот полуостров. Двајцата челници потоа на третиот меѓусебен состанок во јуни на линијата на раздвојувањето на двете Кореи договорија дека повторно ќе го покренат преговарачкиот процес.
